Staccanza

Ai u capu pienu di e so lapre
Di u so sguardu assassinu
E u to core chì s’apre
E si sparghje ind’è u caminu

Cum’è una sbaffa di lume
Cum’è saetta è tonu tremendu
Cum’è u frombu di u fiume
U to dulore solu risurgendu

U vostru amore agripizzitu
Solitudine di a stanza
U vostru amore ammutulitu
Di silenziu è di staccanza

Cum’è un focu d’alzu
Cum’è a surghjente stanciata
S’hè spentu lu sentimu falzu
In un’eterna abbrucata

Murtoriu di u paese disertu
Solu ribomba u chjoccu di u more
Anima persa ind’è u didale strettu
Ind’è u campusantu di u core

Extrait du recueil Alba nova
Voir la version française de cette poésie